सङ्लोन्यूज
काठमाडौं, १३ मंसिर ।
नपाली कांग्रेसको आइतबार मंसिर १४ मा हुने भनिएको केन्द्रीय समिति बैंठक एक दिन पछाडि सरेको छ । यसरी बैंठकनै नबसी लगातार तेश्रो पटक सूचना प्रकाशीत गरेर सर्दे आएको छ ।
नेपाली कांग्रेसका मुख्य सचिव कृष्णप्रसाद पौडेलले शनिबार साँझ सूचना प्रकाशीत गर्दे केन्द्रीय समिति बैंठक मंसिर १५ गते सोमबारसम्म सरेको जनाएका छन् । सूचनामा भनिएको छ ‘नेपाली कांग्रेस केन्द्रीय कार्यसमितिको २०८२ मंसिर १४ गते आइतबार दिनको २ः०० बस्ने भनिएको बैठक २०८२ मंसिर १५ गते सोमबार दिनको २ः०० बजे पार्टीको केन्द्रीय कार्यालय, बी।पी। स्मृति भवन, बी।पी। नगर, ललितपुरमा बस्ने भएको छ । उक्त बैठकमा केन्द्रीय कार्यसमितिका पदाधिकारी, सदस्य,ं आमन्त्रित सदस्य र सातै प्रदेश कार्यसमितिका सभापतिहरूको उपस्थितिका लागि निर्देशानुसार अनुरोध गरिन्छ ।’
कांग्रेसको वर्तमान कार्यसमितिको म्याद मंसिर २७ सम्ममात्र छ । महाधिवेशनको मुद्धामा विगत तिन महिनादेखी केन्द्रीय समितिमा छलफल भएपछि कुनै निचोड निकालिएको छैन । सरकारले फागुन २१ प्रतिनिधिसभा चुनाव तोकेको छ ।र, कांग्रेस भित्र चुनाव अगाडि कांग्रेसको नीति र नेतृृत्व परिवर्तन गरेर जानुपर्दछ भन्ने माग र चुनाव पछाडि महाधिवेशन गर्ने अडानबीच द्धन्द छ । यस बाहेक चुनाव अगाडि नीति र नेतृत्व परिवर्तनका आकाक्षीहरुको विशेष अधिवेशनको माग सहीत ५४ प्रतिशत महाधिवेशन प्रतिनिधिहरुको हस्ताक्षरयुक्त निवेदन छ ।
निर्वाचन अघि पछि महाधिवेशन गर्ने दुई फरक धार र विशेष अधिवेशन पक्षधर समेत त्रिधारमा कांग्रेस छलफल गर्दे छ । तर, मुलुकलाई मार्ग निर्देश गर्ने हैसियतको कांग्रेस आपसमा विवाद गर्दे अनिर्णयको बन्दी बन्न वाध्य छ ।