जनता कहाँ छन्, के गर्देछन, के भनिरहेका छन् त्यतातिर केही मतलव देखिदैंन । काठमाडौंमा बसेका कांग्रेस आपसमा झगडा गरेर बसेका छन् ।

काठमाडौं, १२ मंसिर ।
नेपाली कांग्रेसको पटकपटक सर्दे मंसिर १२ का लागि तय भएको केन्द्रीय समितिले कस्तो निर्णय गर्ला ? फागु्न २१ मा निर्धारित प्रतिनिधिसभा निर्वाचन अगाडि पार्टी नेतृत्व परिवर्तन गर्ने र च्ुनाव पछिमात्र नेतृत्व परिवर्तन गर्ने पक्षमा विभाजित कांग्रेसले कुनै सहमतिय बिन्दु पहिल्याउँला ?११ गते निर्धारित केन्द्रीय समिति एक दिन सारेपछि कांग्रेस भित्र सहमतिको बिन्दु खोज्ने कसरत जारी छ र पछिल्लो समय पार्टी सभापति शेरबहादुर देउवाले चासो लिएका छन् ।

नेपाली कांग्रेसका केन्द्रीय सदस्य एवं पार्टीको अनुशासन समितिका सदस्य राजीव कोइरालासँग सङ्लोन्यूजले कांग्रेसले के गर्नुपर्दछ ? तपाईको प्रेसक्रिप्सन के ? भन्ने प्रश्न राखेको थियो । उत्तर कोइलाको आफ्नो शब्दमा ।
पार्टी पार्टी विधानको धारा १७(२) अनुसार हस्ताक्षर सहीतको निवेदन नदिएको थियो भने एउटा पक्षले सोझै पेलेर जाने थियो । दुई हजार ४सय ४८ महाधिवेशन प्रतिनिधिहरुले विशेष महाधिवेशनको माग गर्दे हस्ताक्षर गरेर पार्टीमा दर्ता भएकोले एक किसिमको सन्तुलन कायम छ । तर, काम कुरो एकातिर कुम्लो बोकी थिमि तिर भने जस्तो भैरहेको छ । जनता कहाँ छन्, के गर्देछन, के भनिरहेका छन् त्यतातिर केही मतलव देखिदैंन । काठमाडौंमा बसेका कांग्रेस आपसमा झगडा गरेर बसेका छन् ।

पार्टी पार्टी विधानको धारा १७(२) अनुसार हस्ताक्षर सहीतको निवेदन नदिएको थियो भने एउटा पक्षले सोझै पेलेर जाने थियो । दुई हजार ४सय ४८ महाधिवेशन प्रतिनिधिहरुले विशेष महाधिवेशनको माग गर्दे हस्ताक्षर गरेर पार्टीमा दर्ता भएकोले एक किसिमको सन्तुलन कायम छ । तर, काम कुरो एकातिर कुम्लो बोकी थिमि तिर भने जस्तो भैरहेको छ । जनता कहाँ छन्, के गर्देछन, के भनिरहेका छन् त्यतातिर केही मतलव देखिदैंन ।

पार्टीमा विभिन्न विचारहरु हुन्छन्, विचारहरु आउँछन् , त्यो स्वभाविक नै हो । नेपाली कांग्रेस एयटा सहमतिमा चलेको पार्टी हो । कुनै विचको बाटो निकाल्छन् होला । तर, विशेष अधिवेशन वाध्यकारी छ । त्यसलाई त्यत्तिकै छाड्न मिल्दैन ।अब कुरा स्पष्ट छ, विशेष महाधिवेशन फेस नगर्ने हो भने नियमित तिर लाग्नुपर्यो । विशेष वाध्यकारी नभएको भए छलछाम गर्ने प्रयास पनि हुन सक्दथ्यो । पार्टीको नेतृत्वमा बस्नेहरुले सबैलाई मिलाएर लानु पर्यो । सहमतिमा निर्णय लिने हाम्रो परम्परा छोडेर जाने हो भने एउटा पक्ष विशेष महाधिवेशनमा भनेर अगाडि बढ्ने भो, उनीहरु यो वाध्यकारी हो भनिरहेका छन् । अर्को थरी चुनाव अगाडि होइन चुनाव पछि र्वैशाखमा गर्नुपर्दछ भन्ने छन् । यी दुई आआफ्नै अडानमा रहने हो भने त परिस्थिति अप्ठारो होला । यी दुई अवस्थाबाट विचको बाटो निकाल्नु पर्दछ ।

शेखर कोइरालाले सुरु देखिनै समयमै महाधिवेशन गरौं, मंसिरमा गरौं भनेको हो । अहिले उहाँको भनाई स्पष्ट छ — नियमित हुँदैन भने विशेष अधिवेशन हुनुपर्यो, त्यो विशेष अधिवेशन कसैले भेला बोलाएर होइन,नेपाली कांग्रेस केन्द्रीय समितिले निर्णय गरोस भन्ने हो । त्यस्तो भयो भने पार्टीमा विभाजन हुँदैन, ५४ होइन १०० प्रतिशतको महाधिवेशन हुन्छ ।

हाम्रो जिल्लाबाट पनि विशेष महाधिवेशनको पक्षमा हस्ताक्षर गर्ने धेरै छन् । मैले त मेरो राय अशोज ३० को बैंठकमै दिएको हो । मैले त्यसबेला संसद पुर्नस्थापनाको मामलामा एजेण्डा बनाएर जानु हुँदैन भनेको थिए ।र, त्यो बेला मंसिरमा महाधिवेशन गर्न सकिन्छ, गरौं भन्ने कुरा थियो ।
अब मुख्य कुरो के हो भने नियमित अधिवेशन गर्नुपर्यो । नियमित अधिवेशन नगर्ने हो भने विशेष वाध्यकारी हो, त्यो आयोजना गर्नुपर्यो ।
हाम्रो नेता शेखर कोइरालाले सुरु देखीनै नियमित अधिवेशनको पक्षमा हो । त्यतिबेला मंसिरमा अधिवेशन गर्न सकिन्छ, गरौं भनेको हो । निर्णय नगरेर सार्दे सार्दे यहाँसम्म ल्याउँने काम भएको छ ।

दुबै पक्ष विनविन हुने गरी अगाडि बढ्ने विकल्पमा कुरा हुनुपर्यो, सधै आआफ्ना अडानमा अडिएर कुनै समाधान निस्किदैन ।

मेरो विचारमा दुईटा भिन्न भिन्न विकल्पबीचबाटै निकास खोज्ने प्रयास भैरहेको छ । म त के भन्छु भने काठमाडौं कहिले महिला भेला, कहिले युवा भेला, कहिले के भेला कहिले के भेला आयोजना भैरहेका छन् । भेलाहरुले समाधान दिने होइनन् । देशले खोजेको त्यो होइन । युवा साथीहरुको कुरा फ्रेस म्याण्डेट लिएर चुनावमा जाऔं भन्ने हो । महामन्त्रीहरु यसै भनिरहेका छन् । हाम्रो म्याद पनि सकिसकेको छ । म्याद सकिएको छ भने किन लम्ब्याउने, नियमित अधिवेशन गर्ने,  बिचको कुनै बिन्दु हुनसक्छ । हामीसँग कसैले छलफल गरेको भए पो । जिम्मेवारी बोकेर बसेका पार्टीको ठेकेदारी लिएर बसेकाहरुसँग विकल्प हुनुपर्यो । दुबै पक्ष विनविन हुने गरी अगाडि बढ्ने विकल्पमा कुरा हुनुपर्यो, सधै आआफ्ना अडानमा अडिएर कुनै समाधान निस्किदैन ।
मेरो विचारमा अधिवेशन गराइदिए भै होल्यो, किन म्याद सकिएको केन्द्रीय सदस्यको भारी बोकेर हिँडिरहनु । विधानले थप्न पाइन्छ भन्दैमा थपिरहनु हुँदैन । जेनजि पुस्ताको भावनालाई बुझेर त्यो अनुसार अगाडि बढ्औं भन्ने भनाई हो युवा नेताहरु को । परिवर्तनलाई आत्मसात गर्दे अगाढि बढ्औं भावना हो ।
शेखर कोइरालाले सुरु देखिनै समयमै महाधिवेशन गरौं, मंसिरमा गरौं भनेको हो । अहिले उहाँको भनाई स्पष्ट छ — नियमित हुँदैन भने विशेष अधिवेशन हुनुपर्यो, त्यो विशेष अधिवेशन कसैले भेला बोलाएर होइन,नेपाली कांग्रेस केन्द्रीय समितिले निर्णय गरोस भन्ने हो । त्यस्तो भयो भने पार्टीमा विभाजन हुँदैन, ५४ होइन १०० प्रतिशतको महाधिवेशन हुन्छ ।