कांग्रेस केन्द्रीय समिति आफैले विशेष अधिवेशन बोलाएर चाडो भन्दा चाडो पार्टी भित्रको गतिरोध अन्त्य गर्नुनै उचित विकल्प हो भन्ने कांग्रेसजनको संख्या ठूलो छ ।

सङ्लोन्यूज
काठमाडौं, १० मंसिर ।
नेपाली कांग्रेस विशेष अधिवेशनका अभियानकर्ताहरुले बुधबार अपराह्न विशेष भेला आयोजना गर्देछन् । नेपाली कांग्रेस केन्द्रीय समितिको मंसिर ११ गते बस्ने भनिएको केन्द्रीय समितिको बैंठकको संघारमा आयोजना हुन लागेको भेलाको उदेश्य केन्द्रीय समितिलाई दबाब दिनु रहेको छ ।
अपराह्न राष्ट्रिय सभागृहमा भेलाको आयोजना हुन गैरहेको विशेष अधिवेशन माग गर्ने अभियानमा क्रियाशिल खोटाङ्ग कांग्रेसका पूर्व सभापति सुभाष पोखरेलले बताए ।पोखरेलका अनुसार आजको भेलामा नेपाली कांग्रेसका शुभेच्छुक संघ,संस्था, पेशाकर्मीहरुले सम्बोधन गर्ने छन् । ‘कांग्रेसका पाका नेता, प्राध्यापकहरु लगायतका विशेष व्यक्तित्वहरुको सम्बोधन हुने छ । विशेष अधिवेशनलाई लिएर बोलिरहेकाहरु बोल्ने छैनन् ।’
नेपाली कांग्रेस केन्द्रीय समितिले फागुन २१ मा घोषित प्रनिनिधिसभा चुनावमा भाग लिने निर्णय गरिसकेको छ । पार्टी भित्र चुनाव अगाडि महाधिवेशन कि चुनाव पछाडि भन्ने कुरामा व्यापक भिन्नता छ ।
सभापति शेरबहादुर देउवाको संरक्षकत्वमा रहेको संस्थापन पक्ष निर्वाचन पछाडि महाधिवेशनको अडानमा छ । इतरपक्ष विशेष गरेर महामन्त्री गगन थापा र विश्वप्रकाशको समुह भने महाधिवेशन अगाडिनै अधिवेशनको पक्षमा दबाब दिइरहेका छन् ।
संस्थापनपक्षका सामुन्ने अहिले २ हजार ४ सय ८८ महाधिवेशन प्रतिनिधिहरु जुन कूल संख्याको करिव ५४ प्रतिशत हुन्छ । उनीहरुले विशेष अधिवेशन बोलाउन गरेको आवेदनको म्याद पुष २८ मा सकिन्छ । विशेष अधिवेशन पक्षधर र चुनाव अगाडि नियमित अधिवेशन गर्नुपर्ने मागमा अडिग रहेको कांग्रेस वरिष्ठ नेता डा.शेखर कोइरालाके पक्ष समेत अहिले विशेष अधिवेशनको नीतिमा आइपुगेको छ । नियमित अधिवेशका ागि चुनाव अगाडि समय नपुग्ने देखिएपछि कोइराला केन्द्रीय समिति आफैले विशेष महाधिवेशन बोलाउनुपर्ने नीतिमा छन्, त्यसकै निम्ति दबाव दिइरहेका छन् ।
विशेष अधिवेशन कांग्रेस महाधिवेशन प्रतिनिधिहरुको विशेषाधिकार मानिन्छ । पार्टी विधानको १७(२) मा रहेको विशेष अधिवेशनको प्रक्रिया सुरु भैसकेको छ । केन्द्रीय समितिमा कात्तिक २७ दर्ता भैसकेको छ । कांग्रेसको संस्थापनपक्षसँग केन्द्रीय समिति लगायत सबैजसो पार्टीका अवयवहरुमा बहुमत छ, त्यहीँ बहुमतको बलमा अधिवेशन पछाडि सार्ने योजनामा केन्द्रीय समितिका बैंठक लम्ब्याउने, निर्णय नगर्ने रणनीति अख्तियार हुँदै आएको पृष्ठभूमिमा विशेष अधिवेशन वाधकमात्र होइन बाध्यकारी बन्न गएको छ ।
विधान अनुसार केन्द्रीय समितिले विशेष अधिवेशनको मार्ग प्रशस्त गरेन भने विशेष अधिवेशन बोलाउने ५४ प्रतिशत महाधिवेशन प्रतिनिधीहरुले आफैले विशेष अधिवेशन बोलाउन सक्छन् । कांग्रेस केन्द्रीय समिति आफैले विशेष अधिवेशन बोलाएर चाडो भन्दा चाडो पार्टी भित्रको गतिरोध अन्त्य गर्नुनै उचित विकल्प हो भन्ने कांग्रेसजनको संख्या ठूलो छ ।