युवा संघ भक्तपुरको पुरै कमिटि आयोजक कमिटिमा रुपान्तरण भएको छ, ६ महिनामा अधिवेशन गराउने जिम्मेवारीकासाथ

सङ्लोन्यूज
काठमाडौं, २५ कात्तिक ।

एमालेको युवा मोर्चा, एमालेको भाषामा जनवर्गिय संगठन युवा संघ, भक्तपुरको संयोजकमा दिपेश विशुङ्के तोएिका छन् । युवा संघ भक्तपुरको सचिवमा कार्यरत विशुङ्केलाई केन्द्रीय युवा संघले ६ महिना भित्र निर्वाचन गराउने गरी संयोजकको जिम्मेवारी दिएको हो ।
विशुङकेको संयोजकत्वमा ५३ जनाको कमिटि छ ।‘युवा संघ भक्तपुरको पुरै कमिटी अधिवेशन आयोजक कमिटिमा रुपान्तरण भएको हो’विशुङ्खे भन्छन् ‘ हाम्रो काम ६ महिना भित्र अधिवेशन गराउनु हो ।’
भक्तपुर युवा संघका अध्यक्ष रविन थापा, जेठमा सम्पन्न संघको पोखरा महाधिवेशनबाट केन्द्रीय सदस्यमा निर्वाचित भएपछि अध्यक्ष पद रिक्त थियो ।
संयोजकको जिम्मेवारी अक्षरस पुरा गर्ने विशुङ्के बताउँछन् । ‘संघले यस्तो विषम परिस्थितीमा मलाई विश्वासकासाथ जिम्मेवारी मेरो काँधमा सुम्पेको छ । नेतृत्वप्रति हार्दिक आभार प्रकट गर्दछु । यसलाई अक्षरस पुरा गर्नेछु’ विशुङ्के भन्छन ‘परिस्थिती अनुसारको जिम्मेवारी पुरा गर्छु ।
पार्टीको हितको निम्ती विशेष रणनीति वनाई आगामी निर्वाचनमा भक्तपुर युवाको विश्वास, भरोषा र भविष्यको आधार भनेको नै ‘राष्ट्रिय युवा संघ हो, एमाले हो’ भन्ने कुरा युवाहरुलाई विश्वस्त पार्दै ‘भक्तपुर जिल्ला एमालेको लालकिल्ला’ भन्ने नारालाई यथार्थमा रुपान्तरण गर्नेगरी लाग्ने छु।’