काठमाडौं, २२ कात्तिक ।

नेपाली कांग्रेस काठमाडौं सम्पर्क समितिका सभापतिहरुको बैंठकले फागुन २१ मा घोषित चुनाव अगाडि पार्टीको महाधिवशेन गर्न दबाव दिएका छ ।
शुक्रबार बसेको वैठक पछि जारी विज्ञप्तीमा भनिएको छ ‘बदलिएको परिस्थितिमा रुपान्तरित, पुर्नगठित, पुर्नजागृत, कांंग्रेस सदस्यहरुको र आम जनताको चाहना हो । नेपाली कांग्रेस फागुन २१ को निर्वाचनमा भाग लिनु अघि महाधिवेशनबाट नयाँ नीति नेतृत्व चयन अनिवार्य छ ।’
नियमित अधिवेशन नगर्ने परिस्थिति छ भने विशेष अधिवेशनबाट नयाँ नेतृत्व चुन्न सभापतिहरुले जोड गरेका छन् । वक्तव्यमा भनिएको छ ‘आम मतदाताले अन्तरमनबाट मत दिन मनपराउने पार्टी बनाउन केन्द्रीय कार्यसमितिको बैंठकमा महामन्त्रीद्धारा प्रस्तावित २०८२ पुष १६—१९ मा पार्टीको १५ औं महाधिवेशन गर्न राखेको प्रस्तावलाई एकतावद्ध जनाउँदै यदी नियमित अधिवेशन गर्नसक्ने अवस्था नभएमा विधानको व्यवस्था अनुसार निर्वाचन अगावै विशेष महाधिवेशन आयोजना गरी नीति र नेतृत्व चयन गर्न माग गर्दछौं ।’