महाधिवेशन र विशेष अधिवेशनको चक्रब्यूहमा परेको नेपाली कांग्रेसको बैंठक बैंठक नै नबसि स्थगित भएको छ ।
कार्यवाहक सभापति पूर्णबहादुर खड्का, महामन्त्रीद्धय गणन थापा, विश्वप्रकाश शर्मा र डा. शेखर कोइरालाबीचको बैंठकमा कुरा नमिलेपछि १६ गते कात्तिकसम्मका लागि बैंठक स्थगित भएको सूचना प्रकाशीत भएको छ ।
केन्द्रीय सदस्य प्रदीय पौडेलका अनुुसार शुक्रबारको बैंठकमा महामन्त्री गगन थापाले महाधिवेशनको कार्यतालिका पेश गर्ने भनेपछि त्यसकै पक्षविपक्षमा कुरा बाझिए पछि बैंठक स्थगित गर्ने निर्यणमा खडका पुगेका हुन ।पौडेल भन्छन् ‘ दुबै महामन्त्रीहरुले कार्यतालिका छलफलको एजेण्डमा नराख्ने भए आफूहरु बैंठकमा नबस्ने अडान लिएका थिए, छलफलमा कुरा मिलेन ।’

कांग्रेस भित्र सरकारले निर्धारित गरेको फागुन २१ को निर्वाचन अगाडि महाधिवेशन गर्ने कि त्यो भन्दा पछाडि गर्ने भन्नेमा विवाद छ । पार्टी सभापति शेरबहादुर देउवाले पदीय दायित्व छोडेपछि कार्यवाहक सभापति खडका बनेका छन्। तर काग्रेसमा देउवा गुट अझै पनि बलियो मानिन्छ, केन्द्रीय समिति र संसदीय दलमा समेत । महामन्त्रीद्धयले चुनाव अगाडि पुष दोश्रो सातासम्ममा महाधिवेशन गर्नेगरी कार्यतालिका पेश गर्ने रणनीतिको विरुद्धमा संस्थापन पक्षले वैशाखमा समानान्तर कार्यतालिका प्रस्तुत गर्ने नीति लिएपछि बैंठक नै नबसि स्थगित हुन पुगेको हो ।
संस्थापन पक्ष भनिने देउवा गुटका सामुन्ने विशेष अधिवेशनको चुनौती सामुन्ने छ । कांग्रेस अशोज २९ मा दर्ता भएको विशेष अधिवेशनको म्याद पुष मसान्तमा सकिन्छ । विशेष अधिवेशनको माग दर्ता भएको तीन महिना भित्र अधिवेशन गर्नेपर्ने वाध्यता कांग्रेस विधानमा छ ।