भक्तपुर, ५ कात्तिक ।

हामी कहिले बिग्रिएका थियौं र सुध्रिनुपर्ने ?— कांग्रेस सभापति थापा

अपराधिक मनोवृतिकाहरुले विध्वंश मच्चाएका हुन्, त्यहीँ विध्वंशको चिठ्ठा परेर मन्त्री, प्रधानमन्त्री बनेका छन् — एमाले सभापति देउजा ।

नेपाली कांंग्रेस भक्तपुरले बुधबार नेवारी नयाँ वर्ष ११४६ तिहार तथा छठको अवसरमा आयोजना गरेको शुभकामना आदान प्रदान कार्यक्रमका वक्ताहरुले समयको माग अनुसार पार्टीमा रुपान्तरण आवश्यक रहेको औंल्याए ।
कार्यक्रमका प्रमुख अतिथि बागमति प्रदेशका मुख्यमन्त्री एवं काग्रेस बागमति प्रदेश सभापति इन्द बहादुर बानियाँले आफूहरु सुढुढ बनेर लोकतन्त्रलाई सुढुढ बनाउनुपर्ने बताए । बानियाँले भने ‘कमि कमजोरी छन् भने सच्चिनु पर्यो, पहिला आफू सुध्रिऔं, सच्चिऔं ।’
पार्टीको तल्लो तहदेखी सुधार आवश्यक रहेको धारणा बानियाँको थियो । ‘वडा, नगर, प्रदेशबाट सच्चिनुपर्ने छ भन्ने सच्चिऔं’ बानियाँले भने ‘लोकतन्त्र सुढुढ बनाउन, पहिला आफैंले आफै.लाई रिभिजिट गरौं ।’

बानियाँले शुसिला कार्की नेतृत्व सरकारलाई भयरहीत जनताको सहभागिता हुनेगरी चुनावको वातावरण बनाउन आग्रह गरे । ‘प्रहरीका धेरै हतियारहरु लुटिएका छन्, भय छ समाजमा, प्रदेश सरकारको आग्रह छ, ति हतियार फिर्ता लिइयोस’ बानियाँले भने‘भयरहीत भएर जनताको सहभागिता हुने वातावरण बन्नुपर्दछ ।’
प्रतिशोधको राजनीति अन्त्य गर्न आग्रह गर्दे लोकतन्त्रवादीहरु चुनावबाट नभाग्ने बानियाँले बताए । ‘प्रतिशोधको राजनीति बन्द गरेर, मन, बचन र कर्मले शुद्ध भएर काम गर्नोस’ बाँनियाले भने ‘ निर्वाचनबाट लोकतान्त्रिक दल भाग्दैनन् ।’
भक्तपुर जिल्ला सभापति एवं निवर्तमान सांसद दुर्लभ थापाले पार्टी भित्र एकतावद्ध भएर अगाडि बढ्नपर्ने आवश्यकता औंल्याए । आफू तेश्रो पटक सभापतिका लागि प्रतिस्पर्धा नगर्ने बताउँदै थापाले भने ‘म सभापति बन्छु भनेर अगाडि आउँनु होस् ।’ पार्टीमा सक्रिय सहभागि नहुने पदमात्र खोज्ने प्रवृति बढे्को चर्चा गर्दे थापाले भने ‘भाग्ने प्रवृतिले लोकतन्त्र बलियो हुँदैन ।’ पार्टीका कार्यक्रमहरुमा सहभागि हुन नचाहने नेताहरु प्रति लक्षीत गर्दे थापाले भक्तपुरमा ९ हजार बढी क्रियाशिल सदस्य रहेको औंल्याए ।

भक्तपुर बहुमुखि क्याम्पस परिसरमा आयोजित कार्यक्रममा ‘बा कांग्रेस, आमा पनि कांग्रेस । देसैं कांग्रेस, म यसै कांग्रेस ।। भन्ने बोलको गित बारम्बार घन्किरहेको थियो । आयोजना स्थलमा भने मुलुकको कूल जनसंख्याको करिव २० प्रतिशत हिस्ता ओगटने जेनजि पुस्ताका नवयुवाहरुको उपस्थिति पातलो देखिन्थ्यो । बदलिएको राजनीतिक परिदृश्यमा पार्टीमा नवयुवाको उल्लेख्य उपस्थितिका निम्ति सबै तह र तप्काका जिम्मेवार कांग्रेसजन उदारतापूर्वक अगाढि बढनु समयको माग हो ।

वर्तमान राजनीतिक परिदृश्यमा नेपाली कांग्रेस र एमालेबीच कार्यगत एकता रहेको थापाले बताए ।‘हामी लोकतन्त्रमा विश्वास गर्नेहरु लोकतन्त्रका लागि एक हुन, एकतावद्ध हुन आवश्यक छ’ थापाले भने ‘ चुनावमा हामी प्रतिस्पर्धा पनि गर्छौ ।’
नेपाली कांग्रेस भित्र सुध्रिनुपर्ने आवाजहरुको प्रससङ्गमा थापाको प्रश्न थियो ‘हामी कहिले बिग्रिएका थियौं र सुध्रिनुपर्ने ?’ सामयिक राजनीतिक परिवेशबारे थापाको टिप्पणी थियो ‘लोकतन्त्रवादीको भावना अनुसार देश चल्दछ । जेनजि भावनामामात्र होइन ।’
शुभकामना मन्तव्य दिदैं एमाले जिल्ला कार्य समिति अध्यक्ष बचन देउजाले वर्तमान सरकारले निर्वाचनको वातावरण नबनाएको बताए । नेपाली कांग्रेस, एमाले रक्षात्मक अवस्थामा रहेको चर्चा गर्दे देउजाले लोकतन्त्र विरोधीहरु आफ्नो उदेश्यमा सफल भएको चर्चा गरे । ‘जेनजिको सुशासन र भष्ट्राचार विरोधी अभियान थियो’ देउजाले भने ‘विध्वंश गरेर देशलाई खरानी बनाइएको छ । समग्रमा ति जेनजिका माग होइनन् ।’
‘देशलाई खरानी बनाएर क्रान्ति हुन सक्तैन ’ देउजाले भने ‘अपराधिक मनोवृतिकाहरुले विध्वंश मच्चाएका हुन्, त्यहीँ विध्वंशको चिठ्ठा परेर मन्त्री, प्रधानमन्त्री बनेका छन् ।’ प्रधामन्त्री शुसिला कार्कीले दलहरुलाई निषेध गरेर चुनावको रणनीति अख्तियार गरिरहेको बताउँदै देउजाले भने ‘दलहरुलाई निषेध गरेर चुनावको मिति तोकेर मात्र चुनाव हुँदैन ।’
कार्यक्रममा नेपाली कांग्रेस भक्तपुरले प्रकाशीत गरेको ‘जय नेपाल भक्तपुर स्मारिका’ तथा क्यालेण्डर लोकापर्ण गरिएको छ । त्यस्तै, नेपाली कांग्रेसको हित चिन्तक सुरेन्द्र केसीद्धारा लिखित ‘लोकतन्त्रको चिन्तन’ शीर्षक पुस्तक पनि कार्यक्रमबीच लोकापर्ण गरिएको थियो ।
भक्तपुर बहुमुखि क्याम्पस परिसरमा आयोजित कार्यक्रममा ‘बा कांग्रेस, आमा पनि कांग्रेस । देसैं कांग्रेस, म यसै कांग्रेस ।। भन्ने बोलको गित बारम्बार घन्किरहेको थियो । आयोजना स्थलमा भने मुलुकको कूल जनसंख्याको करिव २० प्रतिशत हिस्ता ओगटने जेनजि पुस्ताका नवयुवाहरुको उपस्थिति पातलो देखिन्थ्यो । बदलिएको राजनीतिक परिदृश्यमा पार्टीमा नवयुवाको उल्लेख्य उपस्थितिका निम्ति सबै तह र तप्काका जिम्मेवार कांग्रेसजन उदारतापूर्वक अगाढि बढनु समयको माग हो ।
नेपाली कांग्रेस भक्तपुरले विगत ३५ वर्षदेखी तिहार, न्युहँ, छठको छेक पारेर शुभकामना आदानप्रदान कार्यक्रम आयोजना गर्दे आएको छ । बुधबार प्रकाशीत स्मारिका भने छैठौं हो । कार्यक्रममा कांग्रेसमा वयोवृद्ध पूर्व जिल्ला सभापतिहरु लेखनाथ न्यौपाने, तिलक प्रकाश कायस्थ,  गणेशमान चक्रधर तथा महेश श्रेष्ठको उपस्थिति थियो । त्यस्तै बागमति प्रदेश सरकारका मन्त्रीहरु कंचनवादे श्रेष्ठ, किरण थापा तथा सुरेश श्रेष्ठ सहभागि थिए । चागुँ नारायण नगरपालिका अध्यक्ष जीवन खत्री तथा मध्यपुर ठिमी नगरपालिका अध्यक्ष सुरेन्द्र श्रेष्ठ कार्यक्रममा सरिक थिए ।
कार्यक्रम संचालन स्मारिकाका संयोजक एवं भक्तपुर कांग्रेसका सहसचिव कृष्णमुरारी न्यौपानेले गरेका थिए । शुभकामना मन्तव्य शुभकामना कार्यक्रम संयोजक वरिष्ठ पत्रकार एवं कांग्रेस जिल्ला सदस्य कविर राणाले गरेका थिए ।