कांग्रेसका जानकारहरु खड्का पक्ष विशेष अधिवेशनको औचित्य माथि प्रश्न उठाउँदै त्यसको वैधानिकता स्वीकार नगर्ने अडानमा रहेको छ । आफूहरुलाई फरक पार्टी जस्तो ‘मर्जर’ गर्नुपर्ने लगायतका माग खड्काहरुको छ ।

काठमाडौ,३१ जेठ ।
नेपाली कांग्रेसले पार्टीका निवर्तमान कार्यवाहक सभापति पूर्णबहादुर खड्का समुहलाई सहमतिका लागि १६ दिन अघि पठाएको ७ बुँदे प्रस्तावको कुनै प्रतिउत्तर प्राप्त नभएपछि सार्वजनिक गरेको छ । जेठ १६ मा पार्टीका उपसभापति विश्वप्रकाश शर्माले ‘ सबै सँगै बढौं यसरी’ भन्ने आग्रह सहीत पठाएको प्रस्तावलाई खड्का समुहले अस्वीकार गरेको छ । उपसभापतिको प्रस्तावको उत्तर दिन आवश्यक ठानेको देखिदैंन ।
शर्माले पठाएको पत्रमा भनिएको ‘विभिन्न कालखण्डमा विविध प्रकृतिका विवाद र फरक मत नेपाली काँग्रेस पार्टीभित्र प्रकट हुँदै आएका छन्, भिन्न मतहरु सुरक्षीतगर्दै अभिन्न रहेर अघि बढ्ने नेपाली काँग्रेसको परम्परा दृष्टिगत गर्दै अघिबढ्न हामी प्रतिबद्ध छौँ ।’
प्रस्तावमा खडका पक्षका केही नेतालाई सम्मानित वरिष्ठ नेताको भूमिकामा राख्ने, केन्द्रीय समिति र कार्यसम्पादन समितिमा केहीलाई सम्मानजनक सहभागिता रहने लगायतका प्रस्तावहरु छन् । कांग्रेसका जानकारहरु खड्का पक्ष विशेष अधिवेशनको औचित्य माथि प्रश्न उठाउँदै त्यसको वैधानिकता स्वीकार नगर्ने अडानमा रहेको छ । आफूहरुलाई फरक पार्टी जस्तो ‘मर्जर’ गर्नुपर्ने लगायतका माग खड्काहरुको छ ।
वैधानिकताको विवादमा निर्वाचन आयोग र सर्वोच्च अदालतबाट समेत मान्यता पाएको विशेष अधिवेशनबाट निर्वाचित गगन नेतृत्वको कांग्रेसलाई केही पुराना संस्थापकहरुले स्वीकार गर्न सकिरह्ेका छैनन् । पुरानो संस्थापनका केही ‘विशेष’हरुले बद्लिएको कांग्रेसमा आफ्नो सुरक्षीत भूमिका नहुने अवस्थालाई आत्मसात गर्दे नयाँ पार्टी स्थापनाको अभ्यास गरिरहेको देखिन्छ ।

कांग्रेसको ७ बुँदा, जसको उत्तर दिएनन् पूर्णहरुले

१. बिधानको १७९२० बमोजिम सम्पन्न बिशेष महाधिवेशन, निर्वाचन आयोगले गरेको अधावधिक अनि सम्मानित सर्वोच्च अदालतले अन्तिम छिनोफानो गरिसकेको यथार्थ आत्मसात गर्दै विमतिका सबै बिषय बिर्षिएर एकताबद्ध भएर अघि बढ्ने

तर बिशेष अधिवेशनको प्रक्रिया र परिणाम उपरको विमतीलाई आफ्नो राजनैतिक एजेन्डाका रूपमा १५ औं महाधिवेशनको बन्दसत्रमा मौखिक, लिखित दुवै रूपमा प्रस्तुत गर्न सकिने । बिशेष महाधिवेशनमा सहभागी रहेको या नरहेको आधारमा पार्टीका कुनैपनी सदस्यलाई फरक कोणबाट नहेर्ने, फरक ब्यवहार नगर्ने ।

२. महाधिवेशन तयारी क्रमको पहिलो चरण कृयाशिल सदस्यता अधावधिक गर्ने प्रक्रियालाई निर्धारित समयभित्र पूरा गर्ने । (पार्टी बिधानमा विगतदेखीनै रहेकोे यस सम्बन्धि व्यवस्थाबारे रहेका अष्पस्टतालाई स्पष्ट गरेर अघि बढ्ने ।’

३. पार्टीमा लामो समय योगदान गर्नुभएका अग्रज नेताहरू मध्येबाट केहि अग्रजलाई केन्द्रीय समितिमा वरिष्ठ नेताका रूपमा सम्मानित भुमिकामा स्थापित गर्ने ।

४. विगतमा केन्द्रीय समितिमा रहेका र नरहेका साथीहरू मध्येबाट जिम्मेवारी निर्वाह गर्न इच्छुक साथीहरूलाई केन्द्रीय समितिमा निश्चित संख्यामा सम्मानपुर्वक जिम्मेवारी प्रदान गर्ने िकार्यसम्पादन समितिमा सम्मानजनक सहभागिता रहने ।(तर महाधिवेशनमा स्वत भाग लिन पाइने परम्परा अन्त्य गरि, केन्द्रीय समितिमा रहेका सबैले वडा तहबाट नै प्रतिनिधि बनेर अनिवार्य आउनुपर्ने।)

५.पन्ध्रौं महाधिवेशन गराउने निर्वाचन समिति, अनुशासन समिती र कृयाशिल सदस्यता व्यवस्थापन समितिमा सम्मानजनक सहभागिता र सहकार्य गर्ने ।

६.केन्द्रीय समितिको अंग रहनेगरी बैठकबाट १५ औं महाधिवेशन व्यवस्थापन समिती गठन गर्ने ।

७.भ्रातृ र शुभेच्छुक संस्थाहरुको केन्द्रीय समितिमा कार्य गर्न इच्छुक साथीहरूलाई सभापतिनै अथवा पदाधिकारी या उहाँहरुको चाहना र योग्यता अनुरुपको जिम्मेवारी प्रदान गर्ने।

तस्बिर : फाइल तस्बिर, सामाजिक सजालबाट ।