निकास, पैठारीको तुलना गर्दा नेपालबाट चिन पठाएका सामानको तुलनामा ५७ गुना धेरै मूल्यका चिनिया सामान नेपाल भित्रिएका छन् ।

काठमाडौं, ११ पुस।
चिनसँगको कोरलानाका प्रतिकूल मौसमका बाबजुद चलायमान छ । ३० भदौदेखि पूर्ण संचालनमा आएको कोरलानाकाबाट तीन महिना १० दिनको छोटो अवधीमा ११ अर्ब बढीका सामान निकासी, पैठारी भएका छन् ।
मुस्ताङ्ग भंसार कार्यालयका अनुसार नेपालबाट चीनतर्फ १८ करोड ९७ लाख ७८ हजार बराबर मूल्यका हस्तकलाका सामान निर्यात भएका छन् । उता, चिनबाट भने यसबीच १० अर्ब ८२ करोड ९८ लाखका मालसमान नेपाल भित्रिएका छन्, जसमा अधिकांश विद्यतीय सवारीहरु छन् । निकास, पैठारीको तुलना गर्दा नेपालबाट चिन पठाएका सामानको तुलनामा ५७ गुना धेरै मूल्यका चिनिया सामान नेपाल भित्रिएका छन् ।
मुस्ताङ्ग भंसार कार्यालयका प्रमुख रमेश खड्काका अनुसार २ हजार ७४ विद्य्तीय सवारी भित्रिएका छन् । सवारी साधन बाहेक दैनिक १०, १२ ट्रक मालवाहक सामान पनि नेपाल भित्रिरहेको छ ।
गत ३० भदौदेखि पूर्ण रुपमा सञ्चालनमा आएको नेपाल–चीनस्थित कोरला नाकाबाट १० पुससम्ममा निकासी तथा पैठारी गरी उक्त मूल्य बराबरको वित्तीय कारोबार भएको मुस्ताङ भन्सार कार्यालयका प्रमुख रमेश खड्काले जानकारी दिए । कोरला नाका पूर्ण रुपमा सञ्चालनमा आएदेखि हालसम्म यहाँको कोरला नाका हुँदै चीनतर्फबाट रु १० अर्ब ८२ करोड ९८ लाखको मालवस्तु नेपाल भित्रिएको बताए।
यसैगरी नेपालबाट हस्तकलालगायतका नेपाली उत्पादन रु १८ करोड ९७ लाख ७८ हजार बराबरको मालवस्तु यहाँको भन्सार कार्यालयमा जाँचपाँस भई चीनतर्फ निकासी भएको भन्सार प्रमुख खड्काले बताए । कोरला नाकाबाट हालसम्म दुई हजार ७४ विद्युतीय सवारीसाधन नेपाल भित्रिएका छन् । आइतबारदेखि कोरला नाकाबाट थप चिनियाँ विद्युतीय सवारीसाधन नेपाल भित्रिने क्रममा रहेको खड्काले बताए।
यसै महिना बिवाइडी कम्पनीले कोरला नाकाबाट पाँच सय बढी विद्युतीय सवारीसाधन चीनबाट पैठारी गरिरहेको भन्सार जनाएको छ । सोही कम्पनीको ३०० बढी विद्युतीय सवारी भन्सार जाँचपास भई गन्तव्यतर्फ प्रस्थान गरिसकेको खड्काको भनाइ छ ।
नेपाली बजारमा विद्युतीय कारको प्रयोग बढ्दै गएकाले पछिल्लो समय नेपालका विभिन्न कम्पनीले कोरला नाकाबाट चीनमा बनेका विद्युतीय सवारीसाधन आयात गर्दैआएका छन् । इन्धनको बचत तथा कार्बन उत्सर्जन घटाउन यस प्रकारका विद्युतीय सवारीसाधन उपयोगी हुने भएकाले सरकारले यस्ता सवारीसाधनलाई भन्सार सहुलियत प्रदान गरिएकाले नेपालमा विद्युतीय सवारीसाधनको माग बढेको हो ।
हिउँदयामको प्रतिकूल मौसममा समेत चीनबाट धमाधम कोरला नाका हुँदै विद्युतीय सवारीसाधन भित्रिएपछि कोरला नाकाको चहलपहल र भन्सार कार्यालयको कार्यसम्पादन गतिशील बनेको पाइएको छ । हिउँदयामसँगै ४६१० मिटरको उचाइमा अवस्थित कोरला नाकाको बिहान र बेलुकीको तापक्रम माइनस २० डिग्री रहेको छ । प्रतिकूल मौसमका बाबजुत कोरला नाकाबाट विद्युतीय सवारीसाधन नेपाल भित्रिदै छन् ।
यहाँस्थित मुस्ताङ भन्सारमा जाँचपास सकेका विद्युतीय सवारीसाधनलाई जोमसोमसम्म र जोमसोमबाट पोखरासम्म चालकले गन्तव्यतर्फ पु¥याउन थालेका छन् । यसरी मुस्ताङबाट बाहिरिएका विद्युतीय सवारीसाधनलाई पोखराबाट अर्को चालक समूहले सम्बन्धित कम्पनीको शोरुमसम्म पु¥याउने गरेका छन् ।
त्यसअघि यहाँ भित्रिने विद्युतीय सवारीसाधनलाई चिनियाँ भन्सारबाट स्थानीय सीमापार पास भएका चालकले चलाएर कोरला नाकाको नेपालतर्फ बाहिर निकाल्ने काम गर्छन् । प्रतिकूल मौसमका कारण कोरला नाका बन्द हुने अनुमान गरिए पनि चीनतर्फबाट धमाधम मालवस्तु र विद्युतीय सवारीसाधन भित्रिँदा कोरला नाकाबाट दुई देशबीचको आयात÷निर्यात चलायमान भएको हो ।
नाकाबाट धमाधम विद्युतीय सवारीसाधन भित्रिन थालेपछि बेनी–जोमसोम–कोरला सडकमा सञ्चालित विद्युतीय ‘चार्जिङ स्टेशन’हरु व्यस्त छन् । हिउँदयामको मौसममा माथिल्लो मुस्ताङका नागरिक धमाधम बेँसी झरिसकेको भए पनि कोरला नाकामा आयात÷निर्यातको कारोबार घटेको छैन । खड्काले विद्युतीय सवारीसाधनका अलावा दैनिक १०, १२ मालबाहक कन्टेनर मालवस्तु नेपाल–चीन निकासी,पैठारी भइरहेको जानकारी दिए ।
नोट :राससको समाचारको आधारमा तयार गरिएको हो ।

तस्बिर: चिनबाट आयात गरेर मुस्ताङको लोमान्थाङ गाउँपालिका–२, नेचुङस्थित मुस्ताङ भन्सारमा ल्याएर पार्किङमा राखिएका विद्युतीय -ईभी गाडीहरू ।  सुशीलबाबु थकाली / रासस