जल तथा मौसम विज्ञान विभागको मौसम सम्बन्धी जानकारी दिने वेभ पोर्टलका अनुसार अहिले पूर्वी नेपाल, बागमति र लुम्बिनीका केहीस्थानमा वर्षा भैरहेको छ । पूर्वको झापा, मोरङ्ग, सुनसरी तथा मधेका पूर्वी जिल्ला सप्तरी, सिरहा, उदयपुरमा भारी वर्षा भएको छ । पछिल्लो १२ घण्टाको विवरण अनुसार झापाको शनिश्चरेमा ८९ मिमि वर्षा भएको छ भने मोरङ्गको हरैचामा सबैभन्दा धरै १८० मिमि वर्षा भएको छ । सप्तरीको बरमझियामा १२५ मिमि भन्दा धेरै वर्षा भएको छ ।
पूर्वी पहाडी जिल्लामा मध्यम वर्षा छ । हाल कोशी, मधेश , बागमती, गण्डकी प्रदेशका धेरै स्थानहरूमा साथै लुम्बिनी प्रदेशका केही स्थानमा हल्का देखि मध्यम वर्षा भइरहेको छ । मौसमी विव।णमा भनिएको छ ‘बंगालको खाडीमा विकसित भएको चक्रवात “मोन्था” हाल भारतको मध्य प्रदेश आसपासमा न्यूनचापीय क्षेत्रका रुपमा रहेको र सो प्रणालीको कारणले नेपालको मौसम मिति २०८२र०७र१४ गते शुक्रबार साँझसम्म प्रभावित हुने ततःपश्चात मौसममा क्रमिक रुपमा सुधार हुने देखिन्छ । साथै नेपालमा हाल पश्चिमी वायू र अरब सागरमा बनेको न्यून चापीय प्रणालीको पनि आंशिक प्रभाव रहेको छ ।

मौसमी विवरणमा भनिएको छ
कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशमा पूर्ण बदली रही बाँकी प्रदेशमा साधारणतया बदली रहने छ ।
कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशका धेरै स्थानहरूमा मध्यम वर्षाको साथै कर्णाली र सूदुरपश्चिम प्रदेशका पहाडी तथा हिमाली भू(भागका एक(दुई स्थानमा हल्का वर्षाको सम्भावना रहेको छ ।
कोशी प्रदेश, मधेश प्रदेश र बागमती प्रदेशका थोरै स्थानहरुमा तथा लुम्बिनी प्रदेशका एक(दुई स्थानमा भारी वर्षाको पनि सम्भावना रहेको छ । कोशी प्रदेश, बागमती प्रदेश र गण्डकी प्रदेशका उच्च पहाडी तथा हिमाली भू(भागका धेरै स्थानहरूमा तथा बाँकी उच्च पहाडी र हिमाली भू(भागका थोरै स्थानहरूमा मध्यम हिमपातको सम्भावना रहेको छ । कोशी प्रदेश, बागमती प्रदेश र गण्डकी प्रदेशका उच्च पहाडी तथा हिमाली भू(भागका एक(दुई स्थानमा भारी हिमपातको सम्भावना रहेको छ ।