ढाका, ३१ साउन।

नयाँ दिल्लीले बङ्गलादेशकी पूर्व प्रधानमन्त्री शेख हसिनालाई प्रत्यर्पण नगरेसम्म प्रधानमन्त्री तारिक रहमान भारत भ्रमण नगर्ने अडान राखेका छन् । पछिल्ला केही दिन यता बंङ्गलादेशका प्रधानमन्त्रीले दिल्ली भ्रमण गर्ने कूटनीतिक वृतमा चर्चा चल्नुका पछाडि र कूटनीतिक अभ्यास सतहमा आएका थिए ।

तर जबसम्म नयाँ दिल्लीले शेख हसिनालाई प्रत्यर्पण गर्दैनन् , त्यतिन्जेलसम्म प्रधानन्त्रीले भारतको भ्रमण नगर्ने सर्त आएको छ । शेख हसिना सन् २०२४ को विद्रोहका क्रममा भागेर गएकी बांग्लादेशकी पूर्व प्रधानमन्त्री हुन् ।

हसिनाको सरकार ढलेपछि  छिमेकी भारतमा भागेपछि दुई देशबीचको सम्बन्ध तनावपूर्ण बनेको छ। हसिना अहिले पनि भारतमै छन् । बङ्गलादेशमा मानवताविरुद्धको अपराधका लागि दोषी ठहरिएकी हसिनालाई मृत्युदण्डको सजाय तोकिएको छ र ढाकाले बारम्बार उनको प्रत्यर्पणको माग गरेको छ ।

आइतबार पत्रकारहरूसँग कुरा गर्दै परराष्ट्र मन्त्रालयका अधिकारी ए.के.एम. शाहिदुल करिमले अर्को हप्ता रहमानको भारत भ्रमण हुन सक्ने मिडियाको अनुमानलाई खासै महत्व दिएर प्रतिक्रिया दिन चाहेनन् ।“हामी यस्तो दृष्टिकोण राख्छौं कि भ्रमणका लागि अनुकूल वातावरण सिर्जना हुनु आवश्यक छ,” करिमले पत्रकारसँग भने।

“यसका लागि हामीले भारतीय अधिकारीहरूलाई शेख हसिना र अन्य फरार व्यक्तिहरूको प्रत्यर्पण प्रक्रिया छिटो अगाडि बढाउन आग्रह गरेका छौँ।” भारतले बङ्गलादेशको प्रत्यर्पण अनुरोध ‘अध्ययनको क्रममा’ रहेको बताएको छ ।

फेब्रुअरीमा पदभार ग्रहण गरेका प्रधानमन्त्री रहमानले मलेसिया र चीन भ्रमण गरिसकेका छन्। बङ्गलादेशका नेताहरूको पहिलो विदेश भ्रमण भारत जाने परम्पराबाट यो फरक थियो । भारतको बङ्गलादेशस्थित उच्चायुक्त दिनेश त्रिवेदीले गत हप्ता रहमानसँग भेट गरेका थिए, यसले सम्भावित भ्रमणको अनुमानलाई बढाएको थियो ।

करिमका अनुसार बङ्गलादेश र भारतका अधिकारीहरू रहमानको भ्रमणको सम्भावनाबारे हालका हप्ताहरूमा सम्पर्कमा थिए । “शेख हसिनाको खुला मिडिया अन्तर्वार्ताले सम्बन्ध सुधारको प्रक्रियामा समस्या उत्पन्न गरेको छ । उनी मानवताविरुद्धको अपराधमा दोषी ठहरिएकी छन्।”

जो एक लामो समय प्रजातन्त्र समर्थक नेता रहेकी हसिना उनको १५ वर्षको शासनकालमा अधिनायकवादी बन्दै गएको आलोचकहरूले बताउने गरेका छन् । हसिनाले यस महिना दिएको अन्तवार्तामा आफू जेल जान परे पनि डिसेम्बरमा स्वदेश फर्कने घोषणा गरेकी थिइन ।

करिमले भने,“सरकारले सार्वभौमिकता र अहस्तक्षेपमा आधारित ‘बङ्गलादेश प्रथम’ विदेश नीति अघि बढाउने छ र भारत तथा अन्य देशहरूसँग पारस्परिक लाभदायक सम्बन्ध खोज्ने छ।

Photo: The Down