काठमाडौं, १५ कात्तिक ।
जल तथा मौसम विज्ञान विभागले शनिबार बिहान दिएको मौसमी विवरण अनुसार शुक्रबार राती देखि मोन्था चक्रपातको असर हटेको छ र नेपालमा हाल पश्चिमी वायू र अरब सागरमा बनेको न्यून चापीय प्रणालीको प्रभाव रहेको छ । शनिबार दिउँसो कोशी, मधेश, बागमति, गण्डकी, र लुम्बिनीम साधारण बदली र हल्का वर्षाको संभावना छ । त्यस्तै यी प्रदेशका उच्च पहाडी र हिमाली क्षेत्रका केही स्थनमा हल्का हिमपातको संभावना छ ।

विभागको पूर्वनुमान

आज दिउँसो
कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशमा साधारणतया बदली रही बाँकी प्रदेशमा आंशिक बदली रहने छ । बागमती प्रदेश, गण्डकी प्रदेश र लुम्बिनी प्रदेशका केही स्थानहरूमा, कोशी प्रदेश र मधेश प्रदेशका थोरै स्थानहरूमा तथा कर्णाली प्रदेशका एक(दुई स्थानमा हल्का वर्षाको सम्भावना रहेको छ । कोशी प्रदेश, बागमती प्रदेश र गण्डकी प्रदेशका उच्च पहाडी तथा हिमाली भू(भागका थोरै स्थानहरूमा मध्यम हिमपात र कर्णाली प्रदेशका उच्च पहाडी तथा हिमाली भू(भागका एक(दुई स्थानमा हल्का हिमपातको सम्भावना रहेको छ ।

आज राती
कोशी प्रदेश, बागमती प्रदेश र गण्डकी प्रदेशमा साधारणतया बदली रही बाँकी प्रदेशमा आंशिक बदली रहने छ । कोशी प्रदेश, बागमती प्रदेश र गण्डकी प्रदेशका पहाडी र हिमाली भू(भागका थोरै स्थानहरूमा हल्का वर्षारहिमपातको सम्भावना रहेको छ।