‘सुगर, प्रेसर जस्ता समस्याहरु नियन्त्रणमा नियमित व्यायामले फाइदा गर्दछ’नेपाल भन्छन् ‘व्यायाम गरेपछि शरिरमा उत्साह हुन्छ, फुर्तिलो भएको महसुुस हुन्छ ।’

झुम्का, सुनसरी १२ मंसिर ।
पूर्व प्रशासक रेवतीरमण नेपाल ८८ वर्षका भए । ८८ वर्षिय बुढ्यौलीमा पनि स्वास्थ तन्दुरुस्त राख्नु पर्दछ भन्ने कुराले उनी सचेतमात्र छैनन्, त्यसका लागि सक्रिय पनि । उनको दैंनिकीमा पर्दछ — बिहान सार्वजनिक खुला व्यायाम शालामा जानु, त्यहाँ केहीबेर व्यायाम गर्नु । केहीबेर, आफै सरहका दौतरीहरुसँग गफिनु र घर फर्किएर विहानको भोजन गर्नु ।
झुम्का बजारमै रहेको घरबाट व्यायामशाला करिव ७०० मीटरमा छ । त्यहाँसम्म रेवती आफैं जान्छन्, लौरो टेक्दै । प्रेसर र सुगरको औषधि सेवन गरिरहेका नेपाल शनि मन्दिर परिशरमा रहेको व्यायामशालाका सबैजस्तो उपकरण एकछिन एकछिन चलाउँछन् । सबै उपकरण चलाएपछि मन्दिर नजिकै बुढापाका बस्ने स्थान छ, उनीहरु आफैले तयार गरेको— केही क्ुर्सि राखिएका छन् ।एक डेढ घण्टा त्यहाँ बिताएपछि घर फर्किन्छन् । रेवती भन्छन् ‘शरिर तन्दुरुुस्त राख्न व्यायाम गरेको ।’
‘सुगर, प्रेसर जस्ता समस्याहरु नियन्त्रणमा नियमित व्यायामले फाइदा गर्दछ’नेपाल भन्छन् ‘व्यायाम गरेपछि शरिरमा उत्साह हुन्छ, फुर्तिलो भएको महसुुस हुन्छ ।’

खाना खाएपछि केही बेर सुते पछि रेवती चेस खेल्छन्, घरकै सदस्यहरुसँग वा घरमा कोही आएक छन् भने उनीहरसँग । साँझपख भने रेवती छोरा गोपाल वा परिवारका अन्य सदस्यसँग २, ३ किलोमीटरसम्म हिँडडुल गर्दछन् ।
झुम्काको सार्वजनिक व्यायामशाला, रेवती जस्ता पाका उमेरका साथसाथ ससना केटाकेटीहरुको, अधवैसे, युवाहरुको आकर्षक बनेको स्थानीय बताउँछन् । स्थानीयका अनुसार, बिहान ४ बजेदेखीनै व्यायाम गर्न त्यहाँ आउँछन् । पूर्वपश्चिम राजमार्गमा पर्ने झुक्मा बजारमा अवस्थित शनि मन्दिरमा विहानै देखी चहलपहल सुरु हुन्छ । त्यहाँ सधैभरी बिहान चार बजेदेखी व्यायामशालामा मानिसहरु आउने, व्यायाम गर्ने स्थानीय ऋष्।िराम दाहाल बताउँछन् ।

रामधुनी नगरपालिकाको वडानं १ अन्र्तगत रहेको शनि मन्दिर परिसरमा स्थानीयतहले आगन्तुकहरु बस्ने फलैचाहरु पनि राखेकोे छ । बजारबीचमा आगन्तुक, स्थानीय बसेर भलाकुसारी गर्न सजिलो हुने स्थानीय बताउँछन् ।
कक्षा ६ मा अध्ययनरत रेवन्ती साह व्यायामशालमा नियमित आउने मध्येकी हुन् । उनका अनुसार उनीजस्तै धेरै केटाकेटी व्यायामगर्न आउँछन् ।व्यायामशालमा एकपछि अर्को उपकरमा व्यायाम गदेै आएकी साह भन्छिन् ‘ म अहिले कम्मरको एक्सरसाइज गर्दे छु । हात दुख्दा गर्ने उ त्यो हो, अरु धेरै खालका व्यायाम यन्त्र हामीले प्रयोग गर्दछौं।’
व्यायामशालाको निर्माण प्रदेशस्तरको बजेटबाट ६, ७ वर्ष अघि भएको हो ।तत्कालिन प्रदेश सांसद राजिव कोइरालाको पहलमा प्रदेश पर्यटन संस्कृती मन्त्रालयका मन्त्री जगदीश कुसियैतले बजेट व्यवस्थापन गरेका हुन् ।‘प्रदेशको बजेटबाट बनेको व्यायामशाला स्थानीयतह र स्थानीयबासिँको पहलमा राम्रो चलिरहेको रहेछ’ कोइरालाले भने ‘केटाकेटी देखी बुढाबुढीसम्म त्यहाँ जाँदा रहेछन्, खुसी लाग्यो ।’