काठमाडौं १३ कात्तिक ।

                                        धान कार्यक्रमले किसानका मिहेनत बुझन विद्यार्थीलाई सहज हुने विश्वास
चार कक्षाका ससाना विद्यार्थीको हातहातमा हसिया थियो, स्कूल भेष्टमा सजिएका उनीहरु शिक्षक कर्मचारीसँगै धान खेतमा पुगे र धान काटन थाले ।ससाना विद्यार्थीको यस्तो जागर भने व्यवसायीक, व्यवहारिक ज्ञान लिने उदेश्यको हो ।
भक्तपुर नगरपालिका २, मिवाछें व्यासीस्थित एभरेष्ट स्कूलले प्रत्येक वर्ष विद्यार्थीलाई यसैगरी धान रोप्ने, गोडमेल गर्ने, काटने, चुटने र थन्क्याउने काममा लगाउँछ । स्कुलले उपलब्ध गराएको जानकारी अनुसार किसानहरुलाई जस्तै बुधबार भक्तपुरका विद्यार्थीलाई धान भित्राउने चराटोले छोयो । सवैतिरका किसानहरु जस्तै स्कुलका ससाना विद्यार्थीहरुलाई धान भित्राउन चटारोले छोएको हो । उनीहरु समूहमा भक्तपुर नगरपालिका वडा नं २ मिवाछें व्यासीस्थित खेतमा धान काट्नमा व्यस्त देखिएका हुन्।

स्कुलकी शिक्षिका एवं धान कार्यक्रमकी संयोजक कल्पना खनालले स्कुलमा कक्षा ४ मा अध्ययनरत १०४ जना विद्यार्थी धान भित्राउन आएको जनाइन् । विद्यार्थीलाई व्यवहारिक ज्ञान दिलाउन खेतमा ल्याएको उनले सुनाइन् । प्रत्येक वर्ष कक्षा ४ का विद्यार्थीहरुलाई धानको विउ राख्ने, रोप्ने, काट्नेदेखि लिएर सम्पूर्ण प्रक्रियाबारे जानकारी दिन खेतमा ल्याउने गरेको स्मरण उनले गरिन् ।
स्कुलले जनाए अनुसार स्कुलकै खेतमा उव्जेको यो धान प्रत्येक वर्ष बुद्ध जयन्तीका अवसरमा मुठी दानका रुपमा भिक्षुहरुलाई दान गरिनेछ । मुनि विहार इनाचो भक्तपुरमा रहेको विहारबाट आएका भन्ते भिक्षुहरुलाई मुठीदानका रुपमा दिने गर्दै आएको स्कुलले जनाएको छ ।
स्कुलका संस्थापक प्रिन्सिपल भक्त राजभण्डारीले विद्यार्थीलाई किताबमा रहेका बाहेकका व्यावहारिक ज्ञान दिलाउन स्कुलले यस्ता विविध कार्यक्रमहरु गर्दै आएको जानकारी गराए । धान कार्यक्रमले किसानका मिहेनत बुझन विद्यार्थीलाई सहज हुने विश्वास उनको थियो ।