काठमाडौँ, २० चैत ।

प्रतिनिधिसभाको सभामुख पदमा राष्ट्रिय स्वतन्त्र पार्टी ९रास्वपा० का उपसभापति डोलप्रसाद अर्यालले उम्मेदवारी दर्ता गराएका छन् । सिंहदरबास्थित सङ्घीय संसद् सचिवालयमा आज बिहान ११ बजे उनले उम्मेदवारी दर्ता गराएका हुन्

अर्यालको उम्मेदवारीको प्रस्तावक रास्वपा सभापति एवं सांसद रवि लामिछाने र समर्थकमा सांसद स्वर्णिम वाग्ले, सोविता गौतम र सुनिल लम्साल छन्।

सभामुखका लागि आज बिहान ११ देखि अपराह्न २ बजेसम्म सङ्घीय संसद् सचिवालयको काठघर नं १ मा उम्मेदवारी दर्ता गर्न सकिनेछ । निर्धारित समयभित्र दर्ता भएका उम्मेदवारको दर्ता क्रमानुसार आजै अपराह्न २ः ३० बजे सार्वजनिक गरिने सङ्घीय संसद् सचिवालयका महासचिव पद्मप्रसाद पाण्डेयले जानकारी दिए।

अर्याल बाहेक एमालेबाट गुरु बराल उमेदवार बन्ने राजनीतिक वृतमा चर्चा छ । यता, नेपाली कांग्रेस, नेकपा लगायतले उमेदवारी दिएका छैनन् । उमेदजवारीलागि उमेदवारी दिएपनि बराल निर्वाचित हुने संभावना न्यून छ । संविधानमा सभामुख र उपसभामुख एउटै राजनीतिक दल र एउटै लिंगको नहुने व्यवस्था छ । उपसभामुख पदका लागि रास्वपाले कुन पार्टीसँग हातेमाले गर्ने हो, टुगिएको छैन ।

अब आगामी आइतबार बिहान ११ बजे बस्ने प्रतिनिधिसभा बैठकमा ‘सभामुख पदमा निर्वाचित गरियोस्’ भन्ने प्रस्ताव निर्णयार्थ प्रस्तुत गर्ने सम्भावित कार्यक्रम रहेको छ । (रासस)