शुक्रबार सांझसम्म पुरुष तर्फ १६महिलाका लागि ६ जना, ४० वर्ष मुनिका ६ जना चुनावी मैदानमा थिए । शुक्रबार अपराह्न १ बजेसम्ममा उम्मेदवारी फिर्ता  लिन सकिने भन्ने सूचना थियो । शनिबार भक्तपुर क्याम्पसमा निर्वाचन गराउने प्रबन्ध समेत मिलाइएको थियो ।

काठमाडौं, १३ मंसिर ।
नेकपा (एमाले)का अध्यक्ष केपि शर्मा ओलीको बसोबास रहेको भक्तपुर क्षेत्र नं २ बाट सर्वसम्मतिको सन्देश दिने उदेश्यले शनिबार ११ औं महाधिवेशन प्रतिनिधिहरु छानिएका छन् । ओलीको हालको बसोबास भक्तपुर सूर्यविनायक नगरपालिका वडानं ७ गुण्डुमा छ ।
एकातिर अध्यक्षको गृहनगर अर्को तर्फ ओलीका विश्वासपात्र महेश बस्नेतको गृहजिल्लाबाट जसरी भएपनि चुनाव नगराउने उदेश्यले ठूलो संख्याका आकाक्षीलाई मनाएर ८ जना सर्वसम्मत चुनिएको हो ।
एमालेका जानकारका अनुसार महाधिवेशन प्रतिनिधि बन्न खोज्नेहरुको संख्या प्रारम्भमा ठूलो थियो । ६७ आकाक्षीले उम्मेदवारी दिएका थिए । जिल्लाका प्रभावशाली राजनीतिज्ञहरुको दबाव र आन्तरिक राजनीतिक समीकरणबीच केहीले उम्मेदवारी फिर्ता लिएपछि शुक्रबार सांझसम्म पुरुष तर्फ १६महिलाका लागि ६ जना, ४० वर्ष मुनिका ६ जना चुनावी मैदानमा थिए । शुक्रबार अपराह्न १ बजेसम्ममा उम्मेदवारी फिर्ता  लिन सकिने भन्ने सूचना थियो । शनिबार भक्तपुर क्याम्पसमा निर्वाचन गराउने प्रबन्ध समेत मिलाइएको थियो ।
तर, ओलीको गृहनगर, भक्तपुरका इन्चार्ज महेश बस्नेतको निर्वाचन क्षेत्रबाट सर्वसम्मतको सन्देश दिने रणनीति अन्तर्गत शनिबार बिहान पार्टी कार्यालय घलातेमा जिल्ला इन्चार्ज बस्नेत, एमाले जिल्ला सभापति बचन देउजा, प्रदेश सांसद किरन थापा र सूर्यविनायक नगरपालिकाका मेयर बासुदेव थापाबीचको उपस्थितिमा आपसि सहमति गर्दे १६ जना पुरुष मध्येबाट ४ जना ६ जना महिला मध्येबाट ३ जना र ६ जना चालिस वर्ष मुनिकाबाट १ जना सर्वसम्मत गरिएको हो । प्रदेश सांसद किरन थापा आफै पनि उम्मेदवार थिए । यता भक्तपुर वडानं ५ का अध्यक्ष राजकुमार जोशीले शनिबार बिहानसम्म प्रतिनिधि उम्मेदबार बनेको फेसबुक पोष्ट गर्दे निर्वाचित गराउन अनुरोध गरेका थिए । अन्त्यमा जोशी पनि सर्वसम्मतको नाममा त्याग गर्ने मध्येका हुन् ।
भक्तपुर क्षेत्र नं २ वाट निम्न ९ जना प्रतिनिधि चुनिएका छन् । उत्पीडित तर्फबाट दिपक बिसुन्के निर्विरोध निर्वाचित भएका हुन् । छनौंट भएका प्रतिनिधि यस प्रकार छ ।
खुल्ला पुरुष क्षेत्रबाट
१. राजेन्द्र राजथला
२. शिवराम राउत
३. सानुकाजी कायस्थ
४. सूर्यलाल श्रेष्ठ
खुल्ला महिला क्षेत्रबाट
१.तारा सापकोटा
२. अनिता पाण्डे
३. सकुन्तला श्रेष्ठ युवा
४० बर्ष मुनीबाट
१. सुमन जोशी
उत्पीडित तर्फबाट
१.दिपक बिसुन्के

एमाले माथी चोतर्फि आक्रमण भैरहेको, पार्टी अध्यक्ष भक्तपुर गुण्डमा बसोबास गरिरहेको लगायतका कारण देखाएर जिल्ला नेताहरुले आग्रहपूर्ण दबाव दिदैं अन्तिम उम्मेदवारहरुबीच सर्वसम्मत गराएका हुन् ।
भक्तपुर क्षेत्र नं १ भक्तपुर नगरपालिका तथा चागुनारायण नगपालिकाबाट पनि सर्वसम्मतिको फूर्मला अपनाइएको छ ।

तस्बिर :सुरेश अछामीको फेसबुकबाट