काठमाडौं, १० मंसिर ।

नेपाली कांग्रेसको ११ गते बस्ने भनेको बहुप्रतिक्षित केन्द्रीय समितिको बैंठक एक दिन पछाडि सरेको छ । बुधबार साँझ पार्टीका मुख्य सचिव कृष्णप्रसाद पौडेलले सूचना प्रकाशित गर्दे१२ गते सरेको बताएका छन् ।
सूचनामा भनिएको छ ‘नेपाली कांग्रेस केन्द्रीय कार्यसमितिको २०८२ मंसिर ११ गते बिहीबार दिनको २ः०० बस्ने भनिएको बैठक २०८२ मंसिर १२ गते शुक्रबार दिनको २ः०० बजे पार्टीको केन्द्रीय कार्यालय, बी.पी. स्मृति भवन, बी.पी. नगर, ललितपुरमा बस्ने भएको छ ।’
‘बैठकमा केन्द्रीय कार्यसमितिका पदाधिकारी, सदस्य,ं आमन्त्रित सदस्य र सातै प्रदेश कार्यसमितिका सभापतिहरूको उपस्थितिका लागि निर्देशानुसार अनुरोध गरिन्छ ।’ सूचनामा भनिएको छ ।

कांग्रेस पार्र्टी यतिखेर आन्तरिक असहमतीको शिकार भएको छ । बुधबार कांग्रेसका विशेष अधिवेशन माग गर्नेहरुले काठमाण्डौं राष्ट्रियसभामा विशेष भेला आयोजना गरेका थिए । विशेष अधिवेशन बोलाउन कांग्रेस केन्द्रलाई दबाव दिन आयोजित कार्यक्रममा विशेष अधिवेशन पक्षधरहरुको उल्लेख्य उपस्थिति थियो ।