प्रकाशकीय
सङ्लोन्यूजडटकम शुभारम्भ
सङ्लोन्यूज डटकम www.sanglonews.com शुभारम्भ भएको घोषणा गर्न पाउँदा हामी हर्षित भएका छौं । केही दिन अघि देखीको परीक्षण प्रकाशन पछि आजदेखि नियमित र औपचारिक प्रकाशनमा आएका छौं ।
लोकतन्त्र,संवैधानिकता,मानवअधिकार,सुशासन, आर्थिक उदारता,न्यायपूर्ण सामाजिक, राजनीतिक व्यवस्था, सन्तुलित विकास, वातावरणका चुनौती जस्ता सामयिक विषयहरुमा सत्यतथ्यका आधारमा खबरदारी गर्नेछौं । आम जनसमुदायको विश्वसनीय आवाज बन्ने हाम्रो प्रयास रहने छ । व्यवसायीक पत्रकारिता हाम्रो विशेषता हुनेछ ।
नेपालमा पछिल्लो समय विकास भएको अनलाइन पत्रकारिता बढ्दो क्रममा छ । सूचना तथा प्रशारण विभागमा सङ्लो मिडियाको दर्ता नं ५१५७ भएबाटै हामी ठूलो संख्याका अनलाइनहरुबीचमा छौं भन्ने देखिन्छ । हाम्रो प्रयास पाठकवीच विश्यसनिय पहिचान बनाउनमा केन्द्रीत रहने छ ।
सङ्लोन्यूज पत्रकारहरुको न्यूज पोर्टल हो । यसमा केही पत्रकारहरु श्रम स्वामित्व मोडलमा जोडिएका छन् ।
सङ्लोन्यूजलाई पाठक मैत्री बनाउने हाम्रो प्रयास रहने छ । हामी कुनै वाद, कुनै पक्षको हुने छैनौ हामीले पारदर्शी नीति अख्तियार गर्ने छौं ।
पाठकहरुको माया, सल्लाह, सुझाव, शुभेच्छुकहरुको सुभेच्छा, लेखक पत्रकारहरको योगदान, बजार विज्ञापनदाताहरुबाट साथ र सहयोगको अपेक्षा सहीत सङ्लो अगाडी बढ्ने छ भन्ने विश्वास लिएका छौं ।।

शोभा रेग्मी
अध्यक्ष
सङ्लो मिडिया प्रा.लि.

सङ्लोन्यूजडटकम शुभारम्भ