धेरै स्थानहरुमा लामो समय कुर्नु परेको तथा काम छिटो छरितो नभएको गुनासो आएको छ ।कात्तिक मसान्तसम्मको अवधि बढाएर सबै व्यक्ति निर्वाचनमा सहभागी हुनुपर्ने वातावरण बनाउन आवश्यक छ ।

काठमाडौं, २७ कात्तिक ।
नेपाली कांंग्रेसका केन्द्रीय सदस्य एवं पूर्व मन्त्री प्रदीप पौडेलले निर्वाचनमा भाग लिने उमेर १६ वर्ष बनाउनुपर्ने माग गरेका छन् । मतदान गर्ने उमेर १८ वर्षबाट घटाएर १६ मा झाने तथा उम्मेदबार बन्न आवश्यक २५ वर्षको हालको उमेर पनि घटाउनुपर्ने उनको माग छ ।

बिहिबार एक भिडियो वक्तव्य जारी गर्दे पौडेलले भनेका छन् ‘बढीभन्दा बढी नागरिक सहभागी भए मात्र जनताले चाहेको सही प्रतिनिधि निर्वाचित हुने अवस्था बन्छ ।’सबै उमेर समूहका चेतना भएका नागरिकलाई निर्वाचनमा सहभागी हुने वातावरण बन्नुपर्ने पौडेलको धारणा छ ।
यसैगरी पौडेलले निर्वाचन आयोगले गरिरहेको नामाबली संकलनको काम ढिलासुस्ती भएको बताउँदै कात्तिक मसान्तको समयमा थप गर्न माग गरेका छन् ।

दर्ताको समय पनि कात्तिक मसान्तसम्म मात्र रहेकाले अहिलेकै अवस्था रहेमा जेनजी तथा अरु समूहका व्यक्तिहरु समेत छुट्ने सम्भावना देखिएकाले समय थप गर्नु आवश्यक छ ।

वक्तव्यमा पौडेलले भनेका छन् ‘धेरै स्थानहरुमा लामो समय कुर्नु परेको तथा काम छिटो छरितो नभएको गुनासो आएको छ । कात्तिकक मसान्तसम्मको अवधि बढाएर सबै व्यक्ति निर्वाचनमा सहभागी हुनुपर्ने बातावरण बनाउन आवश्यक छ ।’
‘नाम दर्ता गर्ने स्थानको सेवा छिटो छरितो छैन । फोटो खिचाउन लामो लाइन बस्दा पनि पालो नआएर फर्कनुपर्ने अवस्था देखिएको छ ’ पौडेल भन्छन् ‘दर्ताको समय पनि कात्तिक मसान्तसम्म मात्र रहेकाले अहिलेकै अवस्था रहेमा जेनजी तथा अरु समूहका व्यक्तिहरु समेत छुट्ने सम्भावना देखिएकाले समय थप गर्नु आवश्यक छ ।’
‘निर्वाचन आयोग र सरकारलाई प्रचार भएअनुसार सहजीकरण भएको छैन । नामावली दर्ताका लागि गएकाहरुले सजिलोसँग नाम दर्ता गराउन सकिरहेका छैनन । त्यसैले कात्तिक मसान्तसम्मको समय बढाएर थप समय उपलब्ध गराउनु जरुरी छ,’ उनले भने ।
नेता पौडेलले निर्वाचनमा आफैं प्रत्यक्ष रुपमा सहभागी भएर आफ्ना लागि चाहे अनुसारको नेतृत्व, प्रतिनिधि छान्न पाउने अवसर भएकाले मतदाता नामावली दर्ता गरेर सहभागी बन्न जेनजी तथा सबै उमेर समूहका नागरिकलाई पौडेलले आग्रह गरेका छन् ।

फोटोM प्रदीपको फेसबुकबाट