नेपाली कांग्रेसले तिहार तथा नेपाल संवत अवसरमा देश विदेशमा रहेका सबै नेपालीहरुमा शुभकामना व्यक्त गरेको छ । सोमबार कार्यवाहक अध्यक्ष पूर्णबहाद्ुर खडकाले शुभकामना व्यक्तव्य प्रकाशीत गर्दे भनेका छन् ‘नेपालीहरूको महान चाड तिहार तथा नेपाल सम्वत्को नयाँ वर्ष ११४६ को सुखद् अवसरमा स्वदेश तथा विदेशमा रहनु भएका सम्पूर्ण नेपाली दिदीबहिनी तथा दाजुभाइहरूमा सुख, शान्ति, सुस्वास्थ, दीर्घायु र उत्तरोत्तर प्रगतिको लागि हार्दिक मंगलमय शुभकामना व्यक्त गर्दछु ।’

शुभकामनाको पूर्णपाठ
नेपाल विविध जाति, भाषा, धर्म, संस्कृति र चाड–पर्वहरू भएको मुलुक हो । यस विविधता भित्र रहेको हाम्रो सद्भाव र सहिष्णुताले नै हाम्रो राष्ट्रिय एकतालाई अझ बलियो बनाएको छ । तिहार, अर्थात् यमपञ्चकका हरेक दिनले पारिवारिक, सामाजिक र मानवीय सम्बन्धहरूमा सौहार्दता र आत्मीयता कायम गर्दै दिदीबहिनी र दाजुभाइहरु बीच तथा आफन्तहरू बीचमा सुमधुर सम्बन्ध विकसित गर्न सघाएको छ ।

त्यसैगरी, बागमती सभ्यतालाई नेपालको भाषा, साहित्य, कला र संस्कृतिको उत्थानकाल
मानिन्छ । नेपाल सम्वत् त्यही जागरणकालको इतिहास र संस्कृतिको एक जीवन्त धरोहर हो । यसको प्रारम्भ समाजसेवी शंखधर साख्वाद्वारा गरिब र पीडितहरूको ऋणमोचन मार्फत गरिएको महान परोपकारी कार्यको सम्झनामा भएको हो । उहाँको उदारता, समर्पण र योगदानको कदर गरेर सम्मान स्वरूप उहाँलाई राष्ट्रिय विभूतिका रूपमा सम्मानित गरेका छौं । नेपाल संवतले हामीलाई आफ्नो मौलिकता र पहिचानको संरक्षण तथा प्रवद्र्धन गर्न निरन्तर प्रेरित गरिरहेको छ ।

अन्त्यमा, अन्धकारमाथि उज्यालोको विजयको प्रतीकको रुपमा मनाइने तिहार र हाम्रो आफ्नै धरतीबाट उठेको नेपाल संवतको नयाँ दिनले हाम्रो पारस्परिक एकता र सद्भावलाई अगाडि बढाउन सकोस् भन्दै, तिहार तथा नेपाल तिहार र नेपाल नेपाल संवत  नयाँ वर्षको उपलक्ष्यमा म सबैमा सुख, शान्ति र समृद्धिको पुनः शुभकामना व्यक्त गर्दछु ।