सङ्लोन्यूज
काठमाडौँ, अशोज २४ ।

प्रधानमन्त्री शुशिला कार्कीलाई आफ्नै आडमा र मन्त्रीहरुलाई सामुन्ने राखेर राष्ट्रपतिले चुनावका निम्ति शान्ति सुरक्षा दिन आग्रह गरे। यता प्रधानमन्त्री कार्कीले राजनीतिक सरकारले सुरक्षा दिने आश्वासन दिइन ।

राष्ट्रपति रामचन्द्र पौडेलले राजनीतिक पार्टीका नेताहरुलाई शितलनिवासमा बोलाएर चुनावमा केन्द्रीत हुन आग्रह गरेका छन् । प्रधानमन्त्री शुशिला कार्की सहीत सबै मन्त्रीहरु समेतको उपस्थितिमा पौडेलले आव्हान गरेको सर्वदलिय बैंठकमा राजनीतिक पार्टीहरुलाई फागुन २१ मा तोकिएको चुनावमा भाग लिन सुझाव दिदैं सरकारलाई सुुरक्षाको प्रत्याभूति दिन निर्देशन दिए ।
मुलुकमा राजनीतिक तरलता व्याप रहेको, शान्ति सुरक्षाको अवस्थालाई लिएर प्रश्न उठिरहेको, प्रमुख राजनीतिक पार्टीहरुलाई चुनावले आकर्षित नगरिरहेको र संविधान, कानून भन्दा बाहिर गएर सरकार माथी विभिन्न समुहरुले दबाव दिइरहेको पृष्ठभूमिमा राष्ट्रपतिले सर्वदलिय बैंठक आयोजना गरेका हुन् । प्रधानमन्त्री कार्कीसँगको सल्लाह र समन्वयमा बैंठक आयोजना गरिएको बताइएको छ ।
शितलनिवासबाट उपलब्ध प्रेस नोटका अनसरा राष्ट्रपति रामचन्द्र पौडेलले देश, जनता लोकतन्त्र र संविधानको रक्षाका लागि निर्वाचन एक मात्र विकल्प भएको बताउँदै फागुन २१ गतेका लागि तोकिएको प्रतिनिधिसभा निर्वाचनमा केन्द्रीत हुन दलहरूलाई आग्रह गरेका छन् ।
राष्ट्रपति पौडेलले शुक्रवार शीतल निवासमा आह्वान गर्नुभएको अन्तरिम सरकारसहितको सर्वदलीय बैठकमा शान्ति सुरक्षाको आवश्यक प्रवन्ध गरी निष्पक्ष र भयरहित वातावरणमा निर्वाचन गराउने विश्वास आम नागरिकलाई दिलाउन सरकारलाई सुझाव दिएको प्रेस सल्लाहकार किरण पोखरेलले बताए ।

राष्ट्रपति पौडेलले लोकतन्त्रको रक्षाका लागि सबै मिलेर निर्वाचन सम्पन्न गराउनुपर्ने बताउँदै पौडेलले राजनीतिक दलहरूमा कुनै द्धिविधा र अस्पष्टता भए बैठकमा राख्न आग्रह गर्दै निर्वाचनबाहेक अन्य विकल्प खोज्न थालियो भने यसले देशलाई कहाँ पु¥याउँछ ?भन्ने प्रश्न गरे ।
‘पार्टीहरूले पनि कन्फ्युजन सृजना नगरी जेन्जीको माग पनि आफूहरूले पुरा गर्ने भनेर जनतामा जान आग्रह गर्दै पौडेलले भने ‘दलहरूको सुरक्षाको चिन्तालाई सरकारले तत्काल सम्बोधन गर्नु पर्दछ ।’
बैठकमा सहभागी राजनीतिक दलका नेताहरूले लोकतन्त्रमा विश्वास गर्ने राजनीतिक दलहरू निर्वाचनमा जान सधैँ तयार रहेको बताउँदै अहिलेको सुरक्षा व्यवस्थाले निष्पक्ष र स्वतन्त्र वातावरणमा निर्वाचन हुने विषयमा संसय पैदा भएको बताएका थिए । नेताहरुले शंका र संसय हटाएर निष्पक्ष, स्वतन्त्र र भयरहित वातावरणमा निर्वाचन सम्पन्न हुने विश्वास दिलाउन सरकारले सक्नुपर्ने धारणा राखेका थिए ।
अन्तरिम सरकारका प्रधानमन्त्री सुशीला कार्कीले दलहरूको सहभागिताविना निर्वाचन नहुने विषयमा सरकार प्रष्ट जानकार रहेको भन्दै स्वतन्त्र निष्पक्ष र भयरहित निर्वाचन गराउन सरकारले शान्ति सुरक्षाको प्रवन्ध गर्ने विश्वास दिलाइन् । कार्कीले जेनजीहरू हामीहरू सबैको छोरा नाती भएकाले उनीहरूले किन आज यस्तो असंतुष्टी व्यक्त गरे भन्ने बुझेर परिवर्तनलाई आत्मसात गर्दै अगाडि बढ्न दलहरूलाई आग्रह गरिन ।
बैठकमा अन्तरिम सरकारका प्रधानमन्त्री कार्कीसहित सबैमन्त्री सहभागी थिए । बैठकमा नेपाली कांग्रेसबाट उपसभापति पूर्णबहादुर खड्का र महामन्त्री गगन थापा, नेकपा एमालेबाट वरिष्ठ उपाध्यक्ष ईश्वर पोखरेल र महासचिव शंकर पोखरेल, नेकपा माओवादी केन्द्रबाट वरिष्ठ उपाध्यक्ष नारायणकाजी श्रेष्ठ, सचिव बर्षमान पुन सहभागी थिए ।
राष्ट्रिय स्वतन्त्र पार्टीबाट कार्यबहाक सभापति डिपी अर्याल र सहमहामन्त्री विपिन कुमार आचार्य, राष्ट्रिय प्रजातन्त्र पार्टीबाट प्रवक्ता ज्ञानेन्द्र शाही र मिना लामा, नेकपा एकिकृत समाजवादीबाट उपाध्यक्ष राजेन्द्र पाण्डे र महासचिव धनश्याम भुषाल सहभागीको सहभागिता थियो ।
त्यस्तै, जनता समाजवादी पार्टीबाट रेनु यादव, जसपा नेपालबाट विद्युत बज्रचार्य र प्रकाश अधिकारी, जनमत पार्टीबाट चन्द्रकान्त राउत र डा.जय कुमार राउत, लोकतान्त्रिक समाजवादी पार्टीबाट ज्ञानेन्द्र झा र सर्वेन्द्रनाथ शुक्ला, नागरिक उन्मुक्ती पार्टीबाट रेशम चौधरी र नेपाल मजदुर किसान पार्टीबाट सुनिल प्रजापती, सहभागी थिए ।
तस्बिर :राष्ट्रपतिको कार्यालय